Innipúki

Ég er orðinn innipúki, og það kemur ekki til af góðu. Ég er búinn að vera með kvef undanfarna daga og því ekki þorað að hlaupa úti í kuldanum. Fór því á bretti í morgun, en hitti hlaupafélaga mína í anddyrinu á Ásgarði. Samtals 9 km, þar af voru 5 hraðir (18:33). Ég hljóp þetta á engum halla, þar sem mér er í mun að ofgera mér ekki. Hinir 4 voru hlaupnir fyrir og eftir sprettinn og voru á þægilegum saltketshraða. Ég laumaði mér í lyftingatækin á milli átaka. Gott að taka heita pottinn og gufubaðið út á eftir.